(ВИДЕО) Пепељугоски: Дури да играле скриена камера, руските комичари требало да му кажат на Заев дека го снимале

Да бев на местото на премирот Зоран Заев ќе поднесев тужба против руските комичари или пранкстери како што се нарекуваат, за нарушување на личниот углед и правото на приватност, вели пред камерата на А1он адвокатот за заштита на интелектуална сопственост, Валентин Пепељугоски. Според него, руските комичари немале чесни намери и снимката не е направена за сатирични цели. По негово уверување, тајно снимениот разговор со премиерот Зоран Заев има заднина и друга цел.

„Можев да поверувам дека намерите им се чесни, доколку на крајот од разговорот се претставеа и кажаа кои и се и за која цел го снимиле видеото. Знаете и на скриена камера да ве снимаат на улица, на крајот се должни да ве предупредат дека сте снимени и со ваша согласност да биде објавен снимениот материјал. Има правила кои треба да се почитуваат, тоа го знаеле и овие сатиричари. А дека не биле чесни, се гледа и од објавеното видео, кое не е пуштено во целост, туку сечено и монтирано“, вели адвокатот Пепељугоски.

Според адвокатот, руските пранкстери не се хакери и не постои можност за сајбер криминал, но лажното претставување, тајното снимање и неовластеното пуштање во етер на матерјалот подлежи на кривична одговорност.

„Со оваа работа би требало да се позанимава основното јавно обвинителство кое треба да стапи во контакт со руското обвинителство. Ова не е наивна работа, нарушен е угледот на премиерот, но и на една суверена држава. Затоа тие треба да се консултитраат со руски правни експерти и доколку постои простор да ја „истуркаат“ ова работа заеднички. Затоа што како што најавуваат пранкстерите, тие нема да престанат, а треба да се стави крај на ваквото однесување“, објаснува Пепељугоски.

Би можело да ве интересира

Заев го промени телефонскиот број, како дел од мерките за безбедност и внимателност во дигиталните комуникации

(ВИДЕО) Заев: Kики и Фрики за мене не постојат, објавете ги со име за да може да ве тужат

Галена Николовска-Ризвановиќ

(ВИДЕО) Заев: СЈО се интегрира во Обвинителство за организиран криминал на чело со Русковска

Ана Ололовска

Заев: Немам добиено писмо од Мерко

Кристијан Ландов

(ВИДЕО) Заев до Ел Чека: Објави разговори и за мене, ќе одговараш кога-тогаш

Галена Николовска-Ризвановиќ

ВИДЕО: Лидерска ќе има в петок , Заев го чека и Мицкоски

Галена Николовска-Ризвановиќ