Тројца загинати и една тешко повредена жена во експлозијата во бугарската фабрика за оружје во Канзанлак

Од:

Три лица загинаа, а една жена е тешко повредена во експлозијата во големата фабрика за оружје во централниот бугарски град Канзанлак, јавија денеска бугарските медиуми, пренесе ДПА.

Бугарското државно радио јави дека темниот облак од чад веднаш бил виден по силната експлозија во фабриката

ДПА јавува дека во тек е истрага за настанот.

Весникот „24 часа“, повикувајќи се на извори во бугарското МВР, претходно јави дека прекршување на технолошката дисциплина и невнимателно ракување со трансферот на пиротехнички производи ја предизвикаа експлозија во фабриката „Арсенал“ во Канзанлак.

Како што јави дописникот на МИА од Софија, на лице место се пронајдени останките на две лица. Според првичните информации, тие припаѓаат на жени.

ДПА јавува дека несреќи, вклучувајќи и со смртни случаи, релативно често се случуваат во бугарските фабрики за оружје и магацини за муниција.

Извор: МИА

Би можело да ве интересира

Во Бугарија не е постигнат договор за нова влада

Почина бугарскиот патријарх Неофит

(ВИДЕО) Во Кина: Експлозија на гас во ресторан, две лица загинаа, 26 се повредени

Горан Наумовски

Почнува мешањето во претседателските избори: „Пендаровски и објави војна на Бугарија“, на амбасадорката врачен протест

Александар Тодески

Бугарија нема да испраќа војници во Украина

Земјотрес во Бугарија