Четворица грчки државјани, дел од навивачката група дојдена во Скопје како поддршка на ракометниот клуб ПАОК се приведени вчера попладне соопшти Министерство за внатрешни работи. Тие нападнале двајца на улица „Македонија“, а потоа краделе во продавница на улицата.
– На 15.10.2022, полициски службеници од СВР Скопје ги лишиле од слобода T.В.(30), K.С.К.(33), M.Е.(22) и T.Р.(25), сите од Република Грција. Тие се сомничат дека, како дел од навивачка група, околу 16.00 часот на ул.„Македонија“ физички ги нападнале Н.К.(41) и А.В.(42), двајцата од Скопје. По преземени мерки било утврдено дека дел од лицата од навивачката група одзеле предмети од продажен објект на улицата. Четворицата биле приведени во полициска станица и по целосно расчистување и документирање на случајот, во координација со јавен обвинител, против нив ќе биде поднесен соодветен поднесок се вели во соопштението од МВР.