Австрискиот шеф на дипломатијата Себастијан Курц рече дека е неприфатливо Турција да ја врати смртната казна по неуспешниот воен удар.
-Воведување смртна казна би било апсолутно неприфатливо, рече Курц во интервју за австрискиот весник “Куријер“. Тој додаде дека не смее да има произволни чистки, ниту кривични санкции надвор од системот на владеење на правото.
Турскиот претседател Таип Ердоган вчера изјави дека е потребно без одлагање да се врати смртната казна, а потоа најави разговори за тоа со претставниците на Владата и опозицијата. Турција ја укина смртната казна во 2004 година.