Владата на Косово донесе одлука за еден месец да го одложи спроведувањето на одлуките за реципроцитет на личните карти со Србија и за регистарските таблички.
Владата на Косово соопшти „дека спроведувањето на двете одлуки се одложува до 1 септември 2022 година“.
Претходно амбасадорот на Соединетите Американски Држави во Косово, Џефри Ховениер, соопшти дека ја завршил средбата со претседателката на Косово, Вјоса Османи и со премиерот Албин Курти.
Ховениер рече дека побарал од лидерите на Косово да го одложат за 30 дена спроведувањето на одлуките за пререгистрација на возилата со српски регистарски таблички со косовски и за укинување на личните карти издадени од Република Србија.