Рекордни 52.500 нови случаи на коронавирус се пријавени во последните 24 часа во Франција.
Ова значи дека новиот национален карантин, кој стапи на сила во петокот, сè уште не ги дал своите први резултати, пренесоа француските медиуми.
Вкупниот број на заразени во земјата достигна речиси еден и пол милион.
Расте и бројот на пациенти со коронавирус во француските болници, но и покрај загрижувачките бројки, училиштата и универзитетите во државата остануваат отворени.