Ердоган: Оној што ќе го нападне турскиот брод ќе плати висока цена

Од:

Претседателот на Турција, Реџеп Таип Ердоган, изјави дека секој напад врз турскиот брод што истражува нафта и гас во спорните води на Средоземното Море, ќе резултира со висока цена.

– Кажавме дека ако го нападнат „Оруч Реис“ ќе платат висока цена, а тие денеска го добија својот прв одговор, истакна Ердоган синоќа без да изнесе детали.

Турскиот брод „Оруч реис“ во понеделникот со воена придружба полна да истражува за нафта и гас во водите помеѓу Крит и Кипар.

Поради тоа, францускиот претседател Емануел Макрон најави дека ќе го зголеми военото присуство во регионот и ја повика Анкара да го запре истражувањето. Француската и грчката армија вчера одржаа заеднички воени вежби во близина на Крит.

Поради потезите на Турција, Европска Унија веќе воведе санкции за две компании од турскиот енергетски сектор.

Ердоган вчера телефонски разговараше со германската канцеларка Ангела Меркел и со претседателот на Советот на ЕУ, Шарл Мишел, при што истакна дека Турција ги брани своите права.

И Турција и Грција потенцираат дека ги штитат своите интереси и ја обвинуваат другата страна за конфликтот.

Советот за надворешни прашања на ЕУ денеска ќе одржи вондреден состанок поради активностите на Турција во Источен Медитеран.

Би можело да ве интересира

Умерен земјотрес регистриран во близина на Закинтос

Ана Ололовска

ВИДЕО: Турските власти запленија 220 килограми кокаин од Бразил

Ана Ололовска

Албански новинар тврди дека Дендиас е Албанец и е братучед на Рама

Ана Ололовска

Рама и Дендијас се договориле прашањето на поморската граница меѓу Грција и Албанија да го решаваат меѓународните инстанци

Жарко Настоски

Грција бара ембарго на извоз на оружје во Турција

Жарко Настоски

Грција ќе го продолжи воениот рок од девет на 12 месеци

Ана Ололовска