Шумахер се опоравува од тешката повреда на глава која ја здоби при скијање во Франција на 29 декемви 2013 година.
Шумахер едно време беше во кома во болницата во Гренобл, а сега е на рехабилитација во својот дом во Швајцарија.
Опоравувањето на овој славен возач оди мнoгу споро, а пред неколку дена германскиот магзин „Bunte“ објави дека Шумахер конечно проодел и дека може да ја крене едната рака.
Меѓутоа, портпаролот на Михаел и неговото семејство, Сабина Кем, ја демантирашe оваа вест и најавија тужба против овој магазин.
„За жал тврдењата дека Михаел може повторно да се движи не се точни. Такви изјави се неодговорни, бидејќи на Михаел му е важна приватноста поради тежината на повредата“. – изјави Кем.
„Шуми може самостојно да диши и да отвора очи. Повремено дава впечаток како се да не разбира, меѓутоа не може да зборува, да оди и да се храни сам“, наведува „Bild“ и тврди дека ова е вистината за здравствената состојба на Шумахер.
Неговиот поранешен менаџер Вил Вебер изјави дека е загрижен за здравствената состојба на германскиот возач.
„Сметам дека е алармантно тоа што веќе долго време не сме слушнале ништо од неговото семејство. Да имаше било каков напредок сигурно семејството ќе го споделеа тоа со нас. Михаел е човек кој никогаш не бегал од јавноста“, кажа Вебер и притоа додаде:
„Ние знаеме дека Шумахер после трагичната несреќа за две години направи мали чекори до оздравување. Меѓутоа, прашање е на кое ниво. Михаел пројде многу лошо. Многу пропати до сега, а ќе пати уште. Боли тоа што повеќе не го гледаме на трките. Тоа ќе трае уште. Можеби сега единствено молитвите можат да помогнат. Толку многу проживеавме заедно и сеуште во главата имам сеќавања од него полн со живот“.