Сензационалниот освојувач на ФА купот во Англија по синоќешниот пораз од Арсенал на едно коло до крајот ги загуби шансите за опстанок во Премиер лигата.
Арсенал, кој се бори за четвртото место и пласман во квалификациите од Лигата на шампионите не дозволи изненадување дома и победи со 4:1.
Головите за „топџиите“ ги постигнаа: Лукас Подолски два, Тео Волкот и Арон Ремзи по еден. Стрелец за Виган беше Шон Мелоуни.
На вториот натпревар одигран синоќа од претпоследното коло од Премиер лигата Манчестер Сити без отпуштениот менаџер Роберто Манчини го победи на гости веќе отпишаниот Рединг со 2:0.
Стрелци на головите беа Кун Агуеро и Един Џеко.
Табела: Манчестер Јунајтед 88 бодови, Манчестер Сити 78, Челзи 72, Арсенал 70, Тотенхем 69, Евертон 63, Ливерпул 58,… Сандерленд 39, Виган 35, Ридинг 28, КПР 25.