Голем скандал се случи на мечот од бугарската прва лига меѓу Локомотив Пловдив и Септември Софија.
Локомотив беше поразен како домаќин во Пловдив со резултат 1:0, во рамките на 21. коло од бугарската прва лига, а на крајот од натпреварот дојде до тежок инцидент.
На еден од навивачите му се слоши и му беше потребна медицинска помош, а потоа транспорт во болница. Делегатот на натпреварот побара од друг навивач да се врати на трибините, но тоа не му се допадна.
Bulgarian football at it's finest…
Fan of Lokomotiv Plovdiv getting picked by ambulance, then ultrases of Lokomotiv Plovdiv attack the delegate of the match after he just asks them to get back in the stands so the match can continue… pic.twitter.com/SubZMoV36O
— LEVSKI.REPORT | Est. 2021 (@LevskiReport) February 16, 2025
Набрзо на теренот се спуштија повеќе навивачи и делегатот се најде во голема опасност, а по кратката расправија беше физички нападнат добивајќи два удари во главата.
Откако ситуацијата некако беше смирена со помош на домашните играчи, судиите и делегатот решија да го доиграат натпреварот до крај.