Кристијано Роналдо повторно беше мета на провокации од навивачите кои го скандираа името на Лионел Меси од трибините. Португалскиот фудбалер одговори на тоа на неочекуван начин – се сврте кон публиката и почна да мавта со рацете како да диригира оркестар, а видеото веднаш стана хит на интернет.
🚨🇸🇦Al Shabab fans chanting “Messi, Messi, Messi” and Cristiano Ronaldo decides to become a choir conductor😂😂❤️. pic.twitter.com/WrVQP9TFoF
— Footie Center (@Footie_Center) May 8, 2026
Инцидентот се случи за време на натпревар од саудиската лига помеѓу Ал-Наср на Роналдо и Ал-Шабаб. Навивачите на соперничкиот клуб се обидоа да го декоцентрираат Португалецот во играта скандирајќи го името на неговиот голем соперник, но тој одговори мирно и театрално. Неговиот гест брзо се прошири на социјалните мрежи. Патем, Ал-Наср го доби тој натпревар со 4:2, а Роналдо беше меѓу стрелците.
Ова не е прв пат навивачите на Ал-Шабаб да го користат истиот метод на провокација. Во 2024 година, Роналдо беше суспендиран и казнет за неговата реакција на слични извици. Овој пат, сепак, неговата реакција беше многу повоздржана и без несоодветни потези.
Роналдо се приклучи на тимот на Ал-Наср во декември 2022 година. Досега има постигнато 100 гола во дресот на саудискиот клуб, додека во целата своја кариера има импресивни 971 гол. Неговиот тим моментално е лидер во саудиската лига со пет бода предност пред Ал-Хилал, три кола пред крајот на сезоната. Наскоро се очекува славниот Португалец да настапи на своето шесто Светско првенство во кариерата.