Елиф Елмас влезе во одличен голгетерски ритам. По погодокот во Купот на Италија, Елмас од тренерот Џенаро Гатузо доби место во стартниот состав и се оддолжи со прекрасен гол против Парма во Серија А.
Тој стрелаше во 32.минута од мечот и обезбеди водство за „наполитанците“ по првиот дел. Ја проби целата одбрана на Парма и успеа да ја затресе противничката мрежа.
Победата на Наполи во вторто полувреме ја потврди Политано со голот во 82. минута.
Со оваа победа Наполи е на четвртото место на табелата со 37 бода по 19 одиграни натпревари.