Ферари претстави три победнички концепти од конкурсот Топ дизајн челинџ 2016.
Дизајнерските студии се одговор на прашањето – како треба да изгледа автомобил на Ферари во иднина.
Првата награда освои шестчлен тим студенти од Франција за концептот Ферари Манифесто.
Жирито било импресионирано од дизајнот на надворешноста, начинот на отворање на вратите и футуристичкиот изглед на ентериерот.
Второпласираната студија најмногу е фокусирана на револуционерно поинаква кабина на возилото. Концептот под име Ферари ФЛ го потпишува Русинот, Роман Јегоров кој студира во Германија.
Наградата Премио Специјале, им припадна на нешто поконзервативен проект на тројца студенти од Јужна Кореја за концептот Ферари де Есфера.