Фантастичното второ полувреме, предводено од Арпад Штербик на голот, им донесе на Шпанија европска титула во ракомет, откако ја „скршија“ клетвата и со 29:23 ја совладаа репрезентацијата на Шведска.
По израмнетиот старт на мечот, Швеѓаните се одвоија на +3 прво со 7:4, а потоа и за 9:6, откако Микаел Апелгрен брилјираше на голот со седум одбрани во првите 15 минути од мечот во „Арената“ во Загреб. Душебаев и Арино успеаја да ги донесат Шпанија на гол разлика (9:10), но потоа повторно Шведска беше во подобра ситуација за 14:12 водство по првото полувреме.
The final is here and also best Spanish goals and Swedish saves. Watch again @GedeonGuardiola scoring after a rebound goal in the Swedish goal.
?? @RFEBalonmano vs @hlandslaget ??#ehfeuro2018 #hypnoticgame pic.twitter.com/GHPkGmxIZL— EHF EURO (@EHFEURO) January 28, 2018
Но, второто полувреме целосно и припадна на „фуријата“. Ентрериос и Душебаев беа во фантастична форма и веќе во 34. минута го „свртија“ мечот за 15:14 водство. На 15 минути до крајот веќе беше пет разлика (20:15), а на пет минути пред крајот дури седум (27:20).
Феран Соле и Давид Балагуер имаа по пет гола за Шпанците, додека наградата за најдобар играч на мечот отиде во рацете на неверојатниот Штербик. Кај Швеѓаните, Јеспер Нилсен уфрли пет гола, а четири имаше Никлас Екберг.
#ESPSWE ????? The MVP of the final is none other than Sterbik! What a few days it's been for the goalkeeper, who only joined the @RFEBalonmano squad right before the semi-final. He saved eight shots at 38% vs @hlandslaget #ehfeuro2018 #hypnoticgame
— EHF EURO (@EHFEURO) January 28, 2018
За Шпанија ова е прва европска титула во историјата по четири незгодни порази во финалињата (1996, 1998, 2006 и 2016), додека „трите круни“ не успеаја да го подобрат својот скор и да станат петкратни европски шампиони.