Навивач на АЕК (22) загинал по судир со „Бед Блу Бојс“ во Атина, јавуваат грчките медиуми Газета и Спорт24. И покрај забраната за присуство на гостински навивачи на натпреварите од третото прелиминарно коло во Лигата на шампионите меѓу актуелниот хрватски шампион Динамо и грчкиот АЕК, дел од навивачите на загрепскиот клуб отпатуваа за Атина, каде Првиот натпревар се игра денеска од 20:45 часот.
08.08.2023, Street fight, AEK Athens🇬🇷 (from left) vs BBB (Dinamo Zagreb, right🇭🇷) https://t.co/Fjy3xrlEmQ pic.twitter.com/TINYrMUYDP
— Hooligans.cz Official (@hooliganscz1999) August 7, 2023
Газета пишува дека навивачот починал откако бил прободен со остар предмет. Грчките медиуми јавуваат дека брзата помош го префрлила младиот човек во болница, каде лекарите се бореле да му го спасат животот. Тој беше придружуван од неколку повредени навивачи, додека шестмина од нив беа „во очај, се држеа за лицата и постојано разговараа на телефон“, чекајќи да видат што ќе се случи со членот на нивната група, наведува Газета.
Грчките медиуми опишуваат дека повредените навивачи биле распослани по креветите во ходниците, а „вратите од операционата сала постојано се отворале и затворале“. Меѓу повредените има и Грци и Хрвати, истакнува Газета, наведувајќи дека повеќе од 150 хрватски навивачи дошле во Атина.
07.08.2023, Before tomorrow match AEK Athens🇬🇷 – Dinamo Zagreb🇭🇷, ~150 BBB in AEK area, on video AEK hools looking for BBB https://t.co/Fjy3xrlEmQ pic.twitter.com/w5Bic0Mn2t
— Hooligans.cz Official (@hooliganscz1999) August 7, 2023
Газета објави дека навивачите на Динамо пристигнале во Грција во организирана, колона автомобили. Според нивните полициски извори, навивачите биле забележани и обезбедувањето било подготвено за нив, „но се чини дека биле организирани затоа што по пристигнувањето во градот се распрснале“.
„Газета“ тврди дека околу 23 часот хрватски навивачи дошле на стадионот на АЕК и таму ги нападнале навивачите на АЕК. Навивачите на гостите наводно се обиделе да упаднат на стадионот, но не успеале, тврди enwsi.gr.
„Имаше жестока тепачка, употребија молотови коктели, палки и други предмети“, тврдат Грците и додаваат дека потоа пристигнала полицијата која го потиснала инцидентот и уапсила 83 лица. Тие се приведени и сослушани за да се пронајде лицето кое го избоде починатиот и да се расветлат деталите за случајот“, додаваат оттаму.
УЕФА пред неколку дена го забрани доаѓањето на гостински навивачи во Грција и Хрватска токму поради страв од нереди, а истата забрана ќе важи и за навивачите на Хајдук бидејќи сплитскиот клуб го очекува мечот во Солун против ПАОК на 18 август.