ВИДЕО: Дебакл на Ѓоковиќ во Рим, декласиран од 32 тенисер во светот

Од:

Најдобриот тенисер на светот Новак Ѓоковиќ го доживеа еден од најтешките порази во кариерата. Во третото коло на Мастерсот во Рим, српскиот тенисер беше поразен со 6:2, 6:3 од 32. играч на светот Алехандро Табило. Чилеанецот за само 70 минути го збриша играчот број еден во светот и ја постигна најголемата победа во кариерата.

Табило го отвори мечот со брејк, а потоа многу брзо стигна до 4:0. До крајот на првиот сет мирно го држеше својот сервис и го затвори со 6:2. Навивачите во Рим очекуваа Ѓоковиќ да се врати во вториот сет, но тоа не се случи. Табило со два сервис брејка стигна до 6:3 и во следното коло ќе игра против Карен Качанов.

“Не можам да верувам. Се обидувам да се разбудам. Се обидов да ги задржам нервите. Размислував да играм по еден поен. Тоа е лудо, не можам да верувам што се случи. Моето семејство е пресреќно, ниту тие не можат да поверуваат, ми пишуваа дека е неверојатно каде сум дошол и се уште се обидувам да сфатам што сум направил“, изјави Чилеанецот по мечот на неговата кариера.

Би можело да ве интересира

(ВИДЕО) Неизвесност на Ролан Гарос: Ѓоковиќ не тренира, чека резултати од магнетната резонаца

Ѓоковиќ е „запрен“ во полуфиналето на АТП турнирот во Женева

Ѓоковиќ во третото коло на АТП турнирот во Женева

Ѓоковиќ тајно бил примен во Ургентниот центар во Белград

Српскиот тенисер Новак Ѓоковиќ се пласираше во четвртфиналето на Мастерсот во Монте Карло

Ѓоковиќ: Иванишевиќ ми е доживотен пријател, не знам кој ќе го замени