Жените денес имаат права и моќ повеќе од кога било, смета седумкратната „гренд слем“ шампионка Венус Вилијамс, која истакна дека не се идентификува себе си како феминистка.
– Не ги сакам тие етикети. Ние не сме ни свесни колку сме моќни. Појавата и присуството на една моќна жена не може да се спореди со ништо друго, изјави таа во интервју за порталот „Ел“.
Таа е благодарна, конкретно, за можностите што жените ги имаат во спортот.
– Жената мора да биде способна да застане цврсто зад тоа во кое верува. Така, јас сега нема за што да се каам, нагласува таа.