Македонскиот фудбалски шампион Вардар денеска ја игра третата пријателска средба на подготовките во Австрија. „Црвено-црните“ со почеток во 18 часот ќе се сретнат со австрискиот прволигаш Матерсбург во местото Унтершитцен.
Ова ќе биде претпоследната „контрола“ на вардарци на овие подготовки, а до сега „црвено-црните“ играа со Адмира (победа 2:0) и со Марибор (пораз 1:0).
Следниот и последен контролен меч на овие подготовки Вардар ќе го игра в сабота на 1 јули.