Македонскиот ракометен шампион Вардар постигна победа на првиот натпревар од четвртфиналето од Лигата на шампионите на гостувањето кај бундеслигашот Флензбург со 26:24.
Македонскиот првак во 15-тата минута водеше со 6:5, а брзо потоа со серија од четири голови „црвено-црните“ водеа со 10:5. На полувреме Вардар имаше шест голови предност (15:9).
Во вториот дел македонскиот шампион во два наврати водеше со седум голови разлика (16:9 и 17:10), но Флензбург со две серии од 3:0 во 50. минута намали на 21:23. На крајот од натпреварот разликата остана два гола за нашиот тим.
Најефикасни кај „црвено-црните“ беа: Алекс Душебаев и Лука Циндриќ со по 5 голови, а голманот Арпад Штербик имаше 16 одбрани.
Реванш дуелот Вардар – Фелнзбург се игра во четврток (27 април) во СЦ „Јане Сандански“.
На вториот натпревар од четвртфиналето одигран попладнево Веспрем – Монпеље 26:23 . Утре се играат другите два четвртфинални натпревари Кил – Барселона и ПИК Сегед – ПСЖ.