Натпреварот Напредок – Металург што требаше да се одигра попладнево во Кичево во рамките на 18. коло од Првата македонска фудбалска лига е одложен поради снежни врнежи, додека средбата во Ѓорче Петров меѓу тетовските ривали Тетекс – Шкеднија при резултат 1:0 не го дочека својот крај.
Фудбалерите на Шкендија незадоволни од една судиска одлука во 85.та минута го напуштија теренот сметајќи дека при постигнување на водечкиот гол за Тетекс имало прекршок над нивен фудбалер.
На единствениот денешен завршен натпревар, Хоризонт Турново – Дрита 2:1.
Вчера: Работнички – Брегалница 3:1 и Ренова – Пелистер 0:0.
Последниот дуел од есенскиот дел во македонскиот фудбалски шампионат ќе се одигра во Скопје, од 16 часот Вардар е домаќин на Силекс.