19-та етапа, долга 53,5 км возена на хронометар и дефинитивно го даде новиот херој на легендарниот Тур. Во извонреден ритам победи Британецот Бредли Вигинс од тимот на Скај, за кого ова беше втора етапна победа на годинашниот Тур д Франс.
Второпласиран беше Крис Фрум, тимскиот колега на Вигинс, а трет заврши Луис Леон Санчез од тимот Рабобанк.
Во пресрет на утрешната последна парадна етапа на Елисејските полиња во Париз, остана само официјалната промоција на новиот победник, првиот Британец на кого му успеа да ја освои најпрестижната велосипедска трка на светот, величенствениот Бредли Вигинс.