Сојузниот суд на Австралија ја објави пресудата за случајот „Новак Ѓоковиќ“. Според објаснувањето, судот решавал за легитимитетот на одлуката на министерот Алекс Хоук, што значи процесот не бил решавање по жалба туку преиспитување на легитимитет.
Ѓоковиќ ја доби првата битка на суд околу поништувањето на визата, но потоа министерот Хоук го искористи правото лично да му ја укине визата. Федералниот суд потоа потврди дека Ѓоковиќ треба да биде депортиран. Според објавената одлука, судот воопшто не навлегувал дали имаат основа причините на министерот за укинување на визата, во одлуката се вели дека тој воопшто и не морал да дава причини. Судиите сметаат дека има јасна последична поврзаност меѓу причините што ги навел министерот. И тие според судот на се нелогични и нерационални како што тврдеше одбраната на Ѓоковиќ
Chief Justice Allsop, Justice Besanko and Justice O'Callaghan have published their reasons in VID18/2022 Novak Djokovic v Minister for Immigration, Citizenship, Migrant Services and Multicultural Affairs: https://t.co/yVU9I6VVrE pic.twitter.com/JkJKsUpjuc
— Federal Court of Australia (@fedcourtau) January 20, 2022
Во доставените документи за да добие виза и медицинско ослободување, Новак навел дека бил позитивен на Ковид 19 на 16-ти декември, но еден ден подоцна делел трофеи во Белград, а наредниот одработил интервју со „Л’Екип“ иако знаел дека има позитивен ПЦР тест. Оваа ставка се споменува како пресудна за депортацијата на светскиот рекет број еден, кој на крајот остана без шанса да ја брани освоената титула на својот омилен грен слем турнир.