На многуте кои сметаат дека условите во Бразил за играње фудбал се тешки се приклучи и италијанскиот репрезентативец Андреа Пирло. Тој воопшто не е воодушевен од условите кои владеат кога настапува неговата репрезентација.
– На репрезентациите кои доаѓаат од Европа им е многу тешко да играат во такви услови. Тоа е слично кога Бразил и Аргентина гостуваат во Боливија на надморска височина од 3.600 метри. Веќе неколку европски претставници се елиминирани, а други се на тој пат. А сетете се на последното Светско првенство во Германија. Таму сите четири полуфиналисти беа од Европа, изјави Пирло и ги потенцира проблемите со кои се соочува Италија.
Тој вели дека неподносливи се жештините поради големата влажност во воздухот.
– Мислевме дека од Манаус нема полошо, се додека не стигнавме во Ресифе. Таму беше вистински пекол. И во Натал ќе биде исто додаде италијанскиот фудбалер.
Италија денеска во 18 часот (13 по локално време) против Уругвај ќе се обиде да остане непоразена за влез во 1/8финалето.