На десеттиот ден од Мундијалот во Бразил, германскиот фудбалски репрезентативец Мирослав Клосе го стигна легендарниот Бразилец Роналдопо бројот на постигнати голови на светските првенства.
Клосе синоќа ја спаси од пораз својата репрезентација изедначувајќи на 2:2 против Нигерија, постигнувајќи го својот 15 погодок на шампионатите и прв на Мундијалот во Бразил. Исто толку голови има дадено и Роналдо.
Вчерашниот ден ќе го помнат и Нигеријците кои остварија победа на светските првенства, прва по 16-годишна пауза. Последен пат Нигерија има триумфирано на 19 јуни 1998 година на СП во Франција. Тогаш со 1:0 ја совладаа Бугарија.
Во 2002 година Мундијалот во Јужна Кореја и Јапонија Нигерија го заврши со два пораза и едно реми, 2006.та во Германија не настапи, а пред четири години во Јужна Африка имаше ист ефект како во 2002 година.