Португалскиот репрезентативец Пепе е казнет со еден натпревар неиграње поради исклучувањето на дуелот со Германија во 1.коло од Мундијалот во Бразил.
ФИФА освен суспензијата на Португалецот од одбранбениот ред му изрече и парична казна во висина од 15 илјади швајцарски франци поради црвениот картон.
Пепе казната ќе ја одработи на средбата што неговата репрезентација в недела ќе ја има со САД. Следен натпревар на кој Пепе ќе може да игра на СП е на 26 јуни против Гана.