Раководството на англискиот фудбалски шампион Манчестер Сити заинтересиран е во своите редови да го доведе португалскиот стопер Пепе кој е член на актуелниот европски првак Реал Мадрид.
Според пишувањата во англиските медиуми 31-годишниот Пепе е голема желба на „граѓаните“. Тие со неговиот ангажман сакаат да ја засилат одбранбената линија.
Пепе и порано од медиумите во Англија беше поврзуван со Манчестер Сити, но конкретна понуда за негов ангажман од страна на премиерлигашот никогаш не беше испратена.
Португалскиот репрезентативец во Реал Мадрид е член од 2008 година, а претходно настапувал за Маритимо и Порто.