Италијанскиот тенисер Јаник Синер го израмни рекордот на Новак Ѓоковиќ по број на последователни победи на Мастерс турнирите откако славеше по 31-ви пат по ред, овој пат против сонародникот Андреа Пелегрино во осминафиналето на Мастерс турнирот во Рим со резултат од 2:0 (6:2, 6:3).
Првиот светски тенисер лесно триумфираше против 155-от тенисер на планетата, постигнувајќи победа за еден час и 29 минути, со два брејка во секој сет.
Синер ќе игра против победникот од натпреварот Андреј Рубљов – Николоз Басилашвили во четвртфиналето на Мастерс турнирот во Рим.