Селекцијата на Шпанија со победа се збогува од Светското првенство во Бразил.
Сеуште актуелниот светски шампион, Шпанија ја совлада Австралија со 3:0 во натпревар од последното коло на Г групата, одигран попладнево во Куритиба.
Стрелци на головите за „Црвената фурија“ беа, Давид Виља (36-минута), Фернандо Торес (69) и Хуан Мата (82).
Со два порази (од Холандија 1:5 и Чиле 0:2) и само една победа, односно само три освоени бодови, селекцијата на Шпанија го освои третото место во оваа група во која Холандија е прва (9 бодови) и заедно со второ пласираниот Чиле (6 бодови) продолжуваат во осминафиналната рунда.
Покрај Шпанија, првенството заврши и за репрезентацијата на Австралија која ги загуби сите три натпревари.