Шпанската фудбалска федерација преку соопштение ги демантира пишувањата во бразилските медиуми дека репрезентативците по натпреварот со Уругвај во првото коло од Купот на конфедерациите, наводно имале „луда забава“ во хотелот во кој биле сместени.
Како што беше наведено во медиумите, шпанските фудбалери победата над Уругвај од 2:1 ја прославиле со многу алкохол и секс со локалните проститутки со кои претходно играле покер на соблекување.
За разлика од бразилските медиуми кои јавија за „незаборавна вечер“ на шпанските фудбалери, одговорните во репрезентацијата на светскиот и европски првак таа ноќ пријавиле кражба на пари извршена во собите на шест фудбалери.
Од Шпанската федерација информираат дека и покрај нарушените чест и углед на репрезентацијата, тоа нема да влијае врз нивната игра во полуфиналето од Купот на конфедерации против Италија закажано за в четврток.