Русија, на домашен терен, освои најголем број златни медали на атлетското светско првенство кое се одржуваше изминативе 8 дена.
Александ Иванов и Ивана Лешманова славеа на 20 километри брзо одење, Јелена Исинбајева во скок со стап, Татјана Лисенко во фрлање кладиво, Александр Менков во скок во далечина, Светлана Школина во скок во височина и женската штафета на 4 х 400 метри.
Втори на листата беа Американците со 6 злата колку што освои и Јамајка, но поради помалиот број на сребрени медали се најде на третото место.
За Сад златни беа: Бритни Риз во скок во далечина, Ештон Итон во десетобој, Дејвид Оливер на 110 метри со пречки, ЛаШон Мерит на 400 метри, штафетата на 4 х 400 во машка конкуренција и Бриана Ролинс на 100 метри со пречки.
За Јамајка најдобри беа: Усаин Болт и Шели Ан Фрејзер прајс на 100 и 200 и штафетите во машка и женска конкуренција на 4 х 100 метри.