Брендон Роџерс, менаџерот на Ливерпул, се огласи по неколку неделните шпекулации околу евентуалниот трансферот на уругвајскиот репрезентативец Луис Суарез.
– За евентуалното заминување на Суарез одлучуваме ние. Ливерпул секогаш ги разбира своите играчи, нивните побарувања и проблеми. Ако смета дека е подобро да си оди и за него и за клубот ние ќе го продадеме, но тој мора да сфати дека се уште е под важечки договор со Ливерпул и дека ние ја контролираме ситуацијата, истакна Роџерс.
Со 23 постигнати голови Уругваецот беше еден од најдобрите во Премиер лигата минатата сезона, но предизвика и неколку инциденти меѓу кои и гризнувањето на Бранислав Ивановиќ поради што е под суспензија на почетокот на следната сезона.