Македонски атлетичар Ристе Пандев само една стотинка го делеше од пласман во полуфиналето на 22.Европско првенство за младинци во Риети, Италија.
Пандев трка од 100 метри во квалификациите претпладнево ја истрча за – 10.72 секунди, што му донесе делба на 25.место со Украинецот Роман Кравцов и имаше само една стотинка послабо време од последниот квалификуван во полуфиналето, Шор од Швајцарија.
Пандев на шампионатот за младинци беше пријавен со време на македонски сениорски рекорд 10.61 што го истрча на 15 јуни оваа година.