Екипата на Тетекс ја постигна првата победа во Првата фудбалска лига откако попладнево славеше на гостувањето против Металург со 2:0. Ова воедно беше и единствената гостинска победа на досега завршените натпревари од 17.коло. Стрелци на головите за Тетекс беа: Алвеш (32.минута) и Симеон Христов (77).
Во Тетово Шкендија оствари убедлива победа од 5:0 на дуелот со Пелистер.
Другите два дуела од оваа рунда завршија без победник: Брегалница – Силекс 1:1 и Хоризонт Турново – Ренова 0:0.
Дербито на колото меѓу Вардар и Работнички се игра на Националната Арена „Филип Втори“ со почеток во 17 часот.
Табела: Вардар 37 бодови, Работнички 34, Шкендија 30, Силекс 25, Металург 24, Ренова 23, Хоризонт Турново 21, Пелистер 18, Брегалница 13, Тетекс 6.