Продолжува „црната“ серија за ракометарите на Вардар во Лигата на шампионите

Од:

Тимот на Вардар го претрпе петтиот пораз во низа, откако вечерва во СЦ „Јане Сандански“ во Скопје загуби од Пик Сегед со 27:30.

Ова е втора победа за Пик Сегед над „црвено-црните“, по минатонеделниот триумф пред домашната публика со 34:31.

По почетното водство на „црвено-црните“ со 1:0, следуваше серија од осум голови за гостите од Сегедин за +7, разлика која остана до крајот на првото полувреме (9:16). Вардарци добро тргнаа во второто полувреме и по само десет минути намалија на само три разлика (15:18). Сепак, домаќините немаа сили за целосен резултатски пресврт. Следуваа добри минути за унгарскиот претставник и успешно одбивање на вардаровиот обид за анулирање на негативата. Во 53. минута семафорот покажуваше 20:26, разлика и повеќе доволна за мирен финиш.

Анте Гаџа и Тимур Дибиров со по пет погодоци беа најефикасни во составот на Вардар. Кај Пик Сегед најмногу голови даде Марио Шоштариќ – седум од осум обиди.

По осум кола во А-групата, Вардар е на 6. место со пет бодови, Сегед е втор со 12.

Би можело да ве интересира

Борко Ристовски е нов извршен директор на РК Вардар, Столе Стоилов помошник тренер

ВИДЕО: Полицаец со пендрек го удри репрезентативецот Филип Талески

Ана Ололовска

ВИДЕО: Инциденти на ракометно дерби, прекинат натпреварот Вардар – Еурофарм Пелистер

Горан Наумовски

Манасков се врати во Вардар

Дибиров: Сакав да останам во Вардар, но ситуацијата стана мачење

Вардар не го дава ракометниот трон на Македонија

Катерина Ѓуровски