Македонскиот шампион МЗТ Скопје го претрпе првиот пораз на домашен терен во јадранската АБА лига, откако вечерва во спортскиот центар „Борис Трајковски“ е совладан со 75-83 од Раднички Крагујевац.
Тимот од Аеродром беше надигран во текот на целиот меч, а главните причини за поразот, вкупно втор во 4-тото коло од квалитетното регионално натпреварување се многуте загубени топки, слабата реализација од дистанца и исклучувањето на Тодор Гечевски поради набрзина добиените две технички грешки.
Најпрецизен во МЗТ беше Дамјан Стојановски со 19 поени, додека Кејд Дејвис уфрли 11 поени. Чапин и Борисов со по 16 поени беа најефикасни кај гостите од Србија, додека Вортингтон придодаде 14 поени.
МЗТ Скопје следниот викенд гостува во Сплит.