Легендарниот југословенски скијач Борис Стрел почина вчера во Љубљана на 53-годишна возраст, соопшти словенечката полиција.
Тој е пронајден мртов, а, според полицијата смртта не била насилна.
Стрел во 1977 година во Крањска Гора стана европски јуниорски шампион во велеслалом, а четири години подоцна ја оствари првата победа на Светскиот куп во Кортини Д’Ампеко во истата дисциплина.
На Светското првенство во Шладминг во 1982 година ја освои бронзата, првиот медал на Светското првенство во скијање во југословенската историја.
На Олимписките игри во Сараево во 1984 година го освои петтото место.
По завршувањето на скијачката кариера отвори сервис за ски опрема.