Јужноафриканскиот атлетичар Оскар Писториус, кој е обвинет за убиство на својата девојка Рива Стенкап, почна денеска да тренира по пауза од четири и пол месеци.
Тој на својата интернет страница објави дека не планира наскоро да им се врати на натпреварувањата, туку вежба за да ја „надмине траумата и подготвен да го дочека продолжението на судскиот процес“.
Тој е обвинет за убиство на неговата 29-годишна девојка кон средината на февруари, додека параолимпиецот тврди дека пукал во неа мислејќи дека е крадец.
Писториус е пуштен од притвор откако платил кауција од 110.000 долари, но морал да го предаде пасошот и забрането му е да се врати во својата куќа, во која се случи злосторството. Судењето продолжува на 19 август.