Бројни фудбалски легенди, но и најголемите спортски ѕвезди се простуваат од Диего Армандо Марадона. Се огласија, Гери Линекер, Лука Дончиќ, Реал Мадрид, Наполи, Барселона и сите останати големи фудбалски клубови. Порака испрати и Пеле.
Легендата на светскиот фудбал, Бразилецот за кој децении наназад се дебатира дали го држи приматот – најдобар во историјата или титулата му припаѓа токму на Марадона, се прости од пријателот.
„Жално е да се губат пријатели на ваков начин. Сигурно еден ден ќе играме заедно фудбал во рајот“, порача Пеле.