Србинот Никола Оташевиќ е нов играч на МЗТ Скопје Аеродром. Триесетгодишниот кошаркар е висок 184 см. и игра на позицијата плејмејкер.
Во досегашната кариера Оташевиќ има настапувано за Будуќност, Хемофарм, Анвил, ОКК Белград. Во МЗТ Скопје доаѓа од тимот на Слобода од Ужице, каде што ја започна оваа сезона во која на пет одиграни натпревари имаше просечен учинок од 14.6 поени и 4.4 асистенции за 26 минути по натпревар.
Никола Оташевиќ ќе го има својот деби настап за тимот на МЗТ Скопје Аеродром на гостувањето во Александровац (БиХ), против Игокеа, натпревар кој е закажан за сабота (17 ноември)