Машката одбојкарска репрезентација на Италија е прва која обезбеди пласман во финалето на Олимписките игри во Рио.
Италијанците по голема борба и пет одиграни сета, во првиот полуфинален меч на машкиот одбојкарски турнир ја совладаа селекцијата на САД со 3:2 по сетови 30:28, 26:28, 9:25, 25:22 и 15:9.
Кој ќе биде нивниот противник во финалето закажано за во недела од 18:15 часот, ќе се знае по вториот полуфинален меч во кој актуелниот олимписки шампион Русија за противник ќе го има домаќинот Бразил.