Со натпреварот кој ќе се игра попладнево во салата на ОУ „Невена Ѓорѓиева – Дуња“ во Скопје, ќе започне финалето на одбојкарскиот шампионат на Македонија во женска конкуренција.
За титулата ќе се борат екипите на Јанта Волеј и СВСК од Куманово.
Впрочем, ова ќе биде и реприза на финалниот меч во националниот куп кој се одигра во саботата, а во кој кумановската екипа забележа победа со 3-1 во сетови и го освои првиот трофеј.
Екипата на Јанта Волеј е бранител на титулата, која и годинава ќе ја освои екипата која прва ќе забележи три победи.
Почетокот на денешниот, прв меч меѓу Јанта Волеј и СВСК е закажан за 18 часот и 30 минути.