Одбојкарките на Јанта Волеј го добија првиот меч против СВСК во финалето на плејофот на домашкиот шампионат.
Актуелниот шампион одбраната на титулата ја започна со сигурна победа над СВСК од Куманово, во која екипата на Јанта Волеј пред својата публика славеше со максимални 3-0 по сетови 25-22, 25-13 и 25-15.
Овој двобиј за шампионскиот трофеј, практично е реприза на финалето од националниот Купот од пред четири дена одиграно во Струмица, а во кое кумановската екипа забележа победа со 3-1 во сетови.
Ова беше само првиот од можните пет финални меча, бидејчи шампионскиот трофеј ќе го освои екипата која прва ќе оствари три победи.
Инаку попладнево ќе старува и финалната серија во машка конкуренција во која екипата на Струмица ја има фаворитската улога во дуелот против екипата на Пробиштип.