Фудбалската репрезентација на Македонија по дуелот со Камерун во петок во Риети, Италија ќе одигра пријателски натпревари со Катар. Селекторот Бошко Ѓуровски од обврските го ослободи голманот Томе Пачовски, а на негово место е повикан Кристијан Наумовски.
Во репрезентацијата се очекува и приклучување на играчот од одбраната Ѓоко Зајокв, кој ќе треба да го надополни отсуството на централните дефанзивци. Во составот повеќе го нема ниту Горан Попов, кој се повреди на натпреварот во понеделникот.
Инаку, синоќа во германски Ахен, нашата репрезентација до 21 година постигна победа над селекцијата на Катар до 22 години со 1:0, а стрелец на голот беше Марко Симоновски.