Српскиот тенисер Новак Ѓоковиќ се пласираше во осминафиналето на Ролан Гарос откако за три часа го совлада Шпанецот Алехандро Давидович Фокина со 3:0 (7:6 (7:5), 7:6 (7:4), 6:2.
Првиот сет беше многу неизвесен, гемовите траеја долго, имаше брејкови на двете страни, а Шпанецот имаше голема шанса да поведе, бидејќи сервираше за водство од 6:5. Сепак, Ѓоковиќ во клучен момент успеа да направи брејк и подоцна да го освои сетот во тај-брејк.
Во вториот сет имаше дури три брејка на двете страни, па повторно реши тај-брејкот. Ѓоковиќ водеше со 4:1, но Шпанецот се закани со четири нерешени поени. Двократниот победник на Ролан Гарос повторно беше во најдобро време кога беше најпотребно, постигна три поени и поведе со 2:0.