Кошаркарите на АВ Охрид го претрпеа и седмиот пораз во регионалната Втора АБА лига.
Охриѓани пред својата публика попладнево се поразени од црногорскиот тим Теодо со 82:101 по четвртини 15-33, 25-28, 20-19 и 20-21.
Освен Американецот, Реми Бери и Бугаринот, Станислав Тсонков ниту еден друг играч кај охридската екипа не покажа отпор, барем што се однесува до нападот. Бери средбата ја заврши со 35, додека Тсонков постигна 11 поени.
За АВ Охрид ова е седми пораз во исто толку одиграни средби, а со неверојатна кош разлика од -197 поени, овој тим е убедливо последен во второлигашката АБА конкуренција.
Следен противник на Охрид ќе биде хрватската екипа Сплит во меч кој ќе се игра на 6 декември.