Најдобриот македонскиот атлетичар Ристе Пандев на митингот во Нојшател, Швајцарија постигна нов македонски рекорд на 200 метри. Тој патеката ја истрча за 21.65 секунда и го собори рекордот стар 31 година на Исмаил Мачев, кој изнесуваше 21.80.
На истиот митинг во трката на 100 метри во Б-финалето Пандев истрча време 10.66 секунди што е за 5 стотинки послаб резултат од рекордот на Македонија на оваа делница.
Пандев го очекува настап на Европското првенство во Цирих од 12 до 18 август.