Автомобилската компанија Нисан најави дека планира да продава по милион електрични возила годишно во следните три години.
Ова е амбициозен план на Нисан, кој во 2017 година продал помалку од 200.000 електрични автомобили. Компанијата воедно најави дека ќе продолжи да експериментира со воведување на безбедни системи за самоуправачки возила.
Нисан Лиф е еден од најдобро продаваните електрични автомобили во светот, но пазарот се уште не е доволно развиен поради високата цена на електричните возила и недоволно развиената инфраструктура за нивно полнење. Поради тоа, Нисан планира да се фокусира на издржливи батерии за автомобили и на хибридни возила кои користат и бензин и електрична енергија, а помалку внимание ќе посвети на електричните автомобили кои мора често да се напојуваат.
Во рок од пет години Нисан очекува да развие осум нови модели на електрични возила, од кои четири се наменети за кинескиот пазар. Заедно со своите глобални партнери, францускиот Рено и јапонскиот Мицубиши, Нисан че претстави 17 нови модели.