Под водство на тренерот Марјан Соколовски-Мане, пливачите од ПК „Акватик“ од општина Карпош, остварија завиден резултат, освојувајќи девет медали на пливачкиот маратон кој се одржа в сабота (7 септември) во Дојран. Натпреварувајќи се во три различни категории, најмладите на 2,5 км, од 15-17 годишна возраст на 5 км, и над 17 годишна возраст на 10 км, пливачките надежи од ПК ,,Акватик’’ прикажаа извонреден резултат освојувајќи четири златни, две сребрени и три бронзени медали. На Купот на Македонија во маратонско пливање кој се одржува по вторпат, учествуваа вкупно 53 пливачи од Македонија.
Општина Карпош која го подржува спортот и ги поттикнува своите жители кон развивање на здрави животни навики, со гордост ги објавува имињата на младите успешни спортисти кои успеаја да се стекнат со медали: Ели Секуловска-(златна), Сандра Иванова-(сребрена) Ангела Ниниќ-(златна), Евита Насевска-(сребрена), Искра Стојаноска-(златна), Марта Челиковска-(бронза), Никола Василевски-(златна) Андреј Соколовски-(бронза) и Андреј Стојаноски-(бронза). Маратонот исто така го испливаа: Андреј Ѓоршевски, Марија Гајиќ и Филип Гајиќ.