Константин Колцов, поранешен белоруски хокеар, ненадејно почина на 43-годишна возраст. Колцов беше поранешен играч на НХЛ, а последните две и пол години беше во врска со Арина Сабаленка.
„Со длабоко жалење ве известуваме дека почина тренерот на Салават Јулаев, Константин Колцов. Тој беше силна и весела личност, сакана и почитувана од играчите, соиграчите и навивачите“, соопшти Салават Јулаев, клубот во кој беше тренер.
Сабаленка е втората тенисерка во светот. Таа неодамна го освои Австралија опен, додека Колцов ја бодреше од трибините. Последниот меч го одигра пред шест дена во Индијан Велс, кога беше поразена од Американката Ема Наваро. Оваа недела таа требаше да игра на турнир во Мајами.