Првата ѕвезда на фудбалската репрезентација на Бразил на тековниот Мундијал, Нејмар, ќе биде подготвен за четвртфиналниот натпревар против Колумбија, кој ќе се одигра во петок, во Форталеза.
Нејмар, во драмтичната осмина финална победа на Бразил над Чиле, добил два силни удари, еден во десното колени, а еден во левиот бутен мускул. Поради тоа тој не тренеираше со соиграчите во понеделникот и вторникот, но во средата без проблеми го издржал целиот тренинг, што значи дека ќе биде во составот за мечот со Колумбија.
Инаку, Нејмар е најефикасниот бразилски фудбалер во досегашниот тек од СП, тој постигна четири од осумте голови на својата репрезентација.